SMIB அறிமுகப்படுத்தும் வாடிக்கையாளர் சௌகரியத்தினை மேம்படுத்தும் கிளையினூடாக தண்ணீர் பட்டியல் கட்டணம் செலுத்தும் வசதி!

அரச ஈட்டு முதலீட்டு வங்கியானது (SMIB), தேசிய நீர் வழங்கல் மற்றும் வடிகாலமைப்புச் சபையுடன் இணைந்து, தனது கிளை வலையமைப்புகளினூடாக "தண்ணீர் பட்டியல் கட்டணம் செலுத்தும் வசதியை" அதிகாரப்பூர்வமாக அங்குரார்ப்பணம் செய்து வைத்தது. இந்த புதிய சேவையானது வாடிக்கையாளர்களினால் எந்தவொரு SMIB கிளைக்கும் சென்று, ஏனைய அத்தியாவசிய பரிவர்த்தனைகளை போலவே தண்ணீர் கட்டணங்களையும் சௌகரியத்துடன் செலுத்த அனுமதித்து ஒரே குடையின் கீழ் பலதரப்பட்ட அனுகூலங்களை பெற்றுக்கொடுக்கின்றது.

இந்த முயற்சியானது SMIB இன் விரிவான டிஜிட்டல்மயமாக்கல் திட்டத்தின் ஒரு அங்கமாக திகழ்வதுடன் ஸ்மார்ட்’ஆன அணுகக்கூடிய சேவைகள் மூலம் வாடிக்கையாளர் அனுபவத்தை மேம்படுத்துவதை நோக்கமாகக் கொண்டுள்ளது. மேலும் SMIB இன் தலைவர் திரு. மஹீல் குரகம மற்றும் பொது முகாமையாளர் திரு. துஷார அசுரமான்ன ஆகியோரின் மூலோபாய வழிகாட்டுதலின் கீழ் எதிர்காலத்தில் பலதரப்பட்ட டிஜிட்டல் சேவைகள் அறிமுகப்படுத்தப்படவுள்ளமையும் குறிப்பிடத் தக்கதாகும்.